Baslerfasnacht 2004

Mäntig

Am Mäntig morge hän mir uns am 3.00 troffe. Natürlich isch die ganz Clique drbii wenn Morgestraich isch und darum hets sicher viel verschlofeni Gsichter drbii kha. Nachem ablaufe am 4.00 sin mir bis zum Münsterplatz gloffe, wos denne die ersti Pause gäh het wo mer het chönne über dr ersti Iidruck vo dr Fasnacht 2004 in Basel rede. Nocher simmer witer gässlet bises denne irgendwenn um die 6.00 zMorgä gäh het im Barbarachäller. Natürlich hend die erste scho e Crémeschnitte verdruckt, do dr Barbarachäller bekannt für ihri Crémeschnitte isch. Nach dem au dr Georges, dr Trummelinstruktor vo unsere Tamboure, zu uns gstosse isch, sind mir wiiter in Morge ihne gässlet. Wos denne 8.00 gsi isch, hän mir Junge abträtte kha. Isch wieder e mol e scheene Morgestraich gsi!

 

Zischtig

Am Zistig isch d Kinderfasnacht gsi in Basel. Das Joor hets aber nur ei Nachwuchspfyfferi kha, wo het chönne a de Kinderfasnacht mitmache. E paar Tamboure vom Stamm hän unseri Jungi Garde grösser würke loh. Do nur d Nicole als neui Pfyfferin drbi gsi isch, hän mir nit so e kleis Repetoir kha wie sunst am Zistignomitaag. Nach e paar kleine Pausene, hets denne zVieri im DVD-Chäller gäh. Sandwiches und Wäihe isch uffem Menuplan gstande. Nachere stärkig undere Pause, isches denne witergange richtig Innestadt zum Casino, wo denne au scho wieder dr Zistig für uns Junge verbii gsi isch.

 

Mittwuch

Am Mittwuchzobe hän au mir Junge dörfe s Cliquekostüm in Basel presentiere. Mitem Stamm simmer nomol e Obelang in Basel unterwegs gsi, wos denne ahschliessend e zNacht ässä im Mc Donald`s gäh het. Dr Stamm isch in dere Zyyt aber uffem Schiff am Rhy bliebe, do sie nocher selber sind in e Beiz go ässä. Nachere Stärkig sin mir wieder über d Bruck uff Grossbasel gässlet um dört dr Stamm abzhole. Nomol richtig Fasnacht hän mir bis am 22.00 gmacht und denne isch für uns Jungi Garde s offizielle Endi cho. Das isch denne au scho wieder d Fasnacht in Basel gsi, scheen wie jedes Joor!

 

scirptet by A.Mohn